Աֆղանստանի պաշտոնատար անձի հաղորդմամբ՝ հարավային Աֆղանստանում ԱՄՆ զինծառայողը այսօր դուրս է եկել ռազմաբազայից և սկսել է կրակել աֆղան քաղաքացիների վրա:
Associated press-ի փոխանցմամբ՝ կրակոցների պատճառով մարդիկ են մահացել և վիրավորվել, բայց դեռևս հստակ տվյալներ չկան սպանված մարդկանց թվի վերաբերյալ:
ՆԱՏՕ-ի ներկայացուցիչ Ջասթին Բրոքհոֆն ասել է, որ ԱՄՆ զինծառայողին կալանավորել են, սակայն մանրամասներ չի հաղորդել: Նա ասել է, որ դաշինքը տեղեկացված է մի քանի վիրավորների մասին, բայց, ըստ իրենց տվյալների, կրակոցների պատճառով ոչ ոք չի սպանվել: Վիրավորները առաջին բուժօգնություն են ստացել ՆԱՏՕ-ի բժշկական հաստատություններում:
ԱՄՆ ուժերը Աֆղանստանի իշխանությունների համագործակցությամբ հետաքննում են դեպքը: Դեռևս պարզ չէ, թե արդյոք կրակողը ճանաչե՞լ է զոհերին, թե՞ ոչ:
