Կորեացի կանայք «ցուցաբերում են գաղափարական ու քաղաքական օգնություն թանկագին ու հարգելի ընկեր Կիմ Չեն Ինին, որը անցած տարեվերջին մահացած Կիմ Չեն Իրի մահից հետո դարձել է «հեղափոխության առաջնորդը»: Այս մասին հայտարարել է Կորեայի Ժողովրդադեմոկրատական կանանց կենտրոնական կոմիտեի ներկայացուցիչ Ռո Սոն Սիրը` ելույթ ունենալով այսօր Փխենյանի մշակույթի կենտրոնում Կանանց միջազգային օրվա առթիվ կազմակերպված միջոցառմանը:
Նա կոչ է արել կորեուհիներին «ցուցաբերել ամուր բնավորություն»` հարավկորեական ռեժիմին դիմակայելու հարցում երկրի զինված ուժերին օգնելիս ու երկրի պաշտպանությունն ամրապնդելիս:
«Մենք պետք է սիրենք մեր զինվորներին մեր հարազատների պես, իսկ մայրերը իրենց զավակներին դաստաիարակեն այնպես, որ նրանք կրծքով պաշտպանեն իրենց սոցիալիստական երկիրը»,- ընդգծել է նա` հավելելով, որ կորեացի կանայք պետք է ջանքեր գործադրեն, որ Փխենյանը դառնա համաշխարհային մակարդակի մեծ ու ծաղկուն երկիր:
Այսօր հրապարակված թերթերում նշված է, որ նրանց «երջանկության գրավականը» երկրի սոցիալիստական համակարգն է և Կորեայի աշխատանքային կուսակցության ղեկավարության իմաստուն քաղաքականությունը:
ԿԺԴՀ-ի կանայք, որոնց երկրում անվանում են «հեղափոխության ծաղիկներ», իրենց հերոսությամբ չեն զիջում տղամարդկանց: