Ջրի տակ անցնող խաղաղօվկիանոսյան Կիրիբատի Հանրապետությունը պատրաստվում է իր երկրի բնակչությանը վերաբնակեցնել Ֆիջի արշիպելագի կղզիներից մեկում: Այս մասին այսօր հայտնել է BBC News-ը:
Կիրիբատիի նախագահ Անոտո Տոնգը հայտարարել է, որ ներկայումս բանակցություններ են ընթանում Ֆիջիի իշխանությունների հետ արխիպելագի կղզիներից մեկը գնելու շուրջ: Տոնգը պատմել է, որ խոսքը Ֆիջիի` մեծությամբ երկրորդ կղզու` Վանուա Լեվուի մասին է, որի մակերեսը կազմում է ավելի քան 5000 քառակուսի կիլոմետր:
Ներկայում Կիրիբատիի բնակչությունը կազմում է ավելի քան 100 հազար մարդ: Երկրի տարածքը, որը կառուցված է 33 կորալային գոյացությունների վրա, աստիճանաբար անցնում է ջրի տակ:
Նախագահը բազմիցս հայտարարել է, որ Կիրիբատիի խորտակման պատճառը կլիմայական փոփոխություններն են:
Ֆիջի կղզիները գտնվում են Կիրիբատիից ավելի քան 2000 կմ հեռավորության վրա: