Չորեքշաբթի ԱՄՆ-ի Թալսա քաղաքում շրջանային դատարանի շենքի դիմաց տեղի է ունեցել փոխհրաձգություն: Ըստ տեղական իշխանությունների ներկայացուցիչների խոսքերի՝ միջադեպի հետևանքով տուժել է մի ոստիկան և մի պատահական անցորդ,- հաղորդում է ИТАР-ТАСС-ը:
Դեպքը տեղի է ունեցել այն բանից հետո, երբ մի անծանոթ, մոտենալով դատարանի շենքին, սկսել է օդ կրակել, որից հետո կրակ է բացել դեպքի վայր ժամանած ոստիկանության աշխատակիցների վրա: Ոստիկանությունը ստիպված է եղել նույն կերպ պատասխանել:
Ըստ ԶԼՄ-ների՝ վիրավորվել է մի ոստիկան, պատահական անցորդ մի կին, ինչպես նաև այս միջադեպի հեղինակը, որի վիճակն այժմ շատ ծանր է: Բոլոր տուժածներն անմիջապես տեղափոխվել են մոտակա հիվանդանոց:
Ըստ իշխանությունների՝ տղամարդու կրակ բացելու պատճառն դեռևս հայտնի չէ: