The Washington post-ը հաղորդում է, որ չորեքշաբթի օրը իսլամիստ ծայրահեղական ուսանողները Թունիսի համալսարանում ցույց են կազմակերպել՝ բողոքելով համալսարանի նոր քաղաքականության դեմ, որով մուսուլման ուսանողուհիներին արգելվում է դասերի կամ քննությունների ժամանակ կրել դեմքի քողը:
Ցույցը վերածվել է ուսանողների միության հետ բռնի բախումների, որի հետևանքով 5 ուսանող է վիրավորվել։ Նրանցից երեքին տեղափոխել են հիվանդանոց: Այս մասին հաղորդել է պետական լրատվական գործակալությունը:
Իսլամիստ ուսանողները Manouba համալսարանի շենքի վրայից հանել են Թունիսի պետական դրոշը` այն փոխարինելով իրենց սև դրոշով, որի վրա պատկերված է մուսուլմանական հավատքի խորհրդանիշը:
