ԷՅ.ԷՄ.ՄԵԴԻԱ ՊՐՈԴԱԿՇՆ ընկերությունը և webtv.am ինտերնետ հեռուստատեսությունը սկսում են նոր Ինտերնետային կինոփառատոնային շրջանը:
Երեք ինտերնետային կինոփառատոն` «ՌետրոFest», «ԷկոFest» և «ԴեբյուտFest», տեղի կունենան ապրիլի 15-ից մինչև օգոստոսի 15-ը:
Մարտի 15-ին webtv.am ինտերնետ հեռուստատեսությամբ կմեկնարկի առաջին` «ՌետրոFest» ինտերնետային կինոփառատոնը:
Փառատոնի առաջին 6 ֆիլմերի մասին webtv.am-ի առաջին հաղորդումը կարող եք դիտել մարտի 13-ին` հանճարեղ բանաստեղծ Եղիշե Չարենցի ծննդյան օրը:
ԷՅ.ԷՄ.ՄԵԴԻԱ ՊՐՈԴԱԿՇՆ ընկերությունը և webtv.am ինտերնետ հեռուստատեսությունը «ՌետրոFest» կինոփառատոնը նվիրում են Եղիշե Չարենցի ծննդյան 115 ամյակին:
Մարտի 15-ից ապրիլի 5-ն ընկած ժամանակահատվածում տեղի կունենա «ՌետրոFest»-ի ֆիլմերի ցուցադրությունը:
Յուրաքանչյուր ֆիլմ webtv.am ինտերնետ հեռուստատեսության վիրտուալ կինոթատրոնում կցուցադրվի 6 (վեց) օր անընդմեջ:
Օգտատերերի համակրանքին արժանացած ֆիլմը կընտրվի ինտերնետ քվեարկությամբ, որը տեղի կունենա ֆիլմերի ցուցադրության ընթացքում, webtv.am ինտերնետ հեռուստակայքի հատուկ հարթակում:
Օգտատերերի համակրանքին արժանացած ֆիլմի ռեժիսորին կտրվի webtv-ի ուղիղ եթերում վարպետության դաս անցկացնելու հնարավորություն:
Փառատոնային ֆիլմերի ռեժիսորների հետ կիրականացվեն skype-օրեր, որոնց ընթացքում տեղի կունենա օգտատերերի և ռեժիսորների ուղիղ շփում skype-ի միջոցով:
Փառատոնի արդյունքները կամփոփվեն կլոր սեղանի միջոցով, որը կհեռարձակվի webtv.am-ի ուղիղ եթերում:
ԷՅ.ԷՄ.ՄԵԴԻԱ ՊՐՈԴԱԿՇՆ ընկերությունը և webtv.am ինտերնետ հեռուստատեսությունը` “Ոսկե Ծիրան” միջազգային կինոփառատոնի հետ ՎիվաՍել ընկերության հովանավորությամբ առաջին անգամ Հայաստանում անցկացրել են WebԾիրան” առաջին համահայկական ինտերնետային փառատոնը, որի ընթացքում ցուցադրվել է տարբեր ժանրերի 49 ֆիլմ: Ավելի քան մեկ ամսում, ներկայացված ֆիլմերը webtv.am-ում դիտել են 42.032 անգամ:
Կինոփառատոնային շրջանն անցկացվում է ԱՄՆ Միջազգային զարգացման գործակալության, Ինտերնյուս Նեթուորքի, Եվրասիա Համագործակցության Հիմնադրամի աջակցությամբ իրականացվող «Լրատվության այլընտրանքային ռեսուրսներ» ծրագրի շրջանակներում:
«ՌետրոFest»-կինոփառատոնին ֆիլմեր /առանց ժանրային սահմանափակումների/ կարող են ներկայացնել կինոկազմակերպություններ, կինոստուդիաներ, անհատ ռեժիսորներ, հեռուստատեսային արտադրանք թողարկող ընկերություններ ինչպես Հայաստանից, այնպես էլ արտերկրից:
«ՌետրոFest»-ին ներկայացվող ֆիլմերը կարող են նկարահանված լինել 50-ական թվականներից սկսած` մինչև 2010 թվականը ներառյալ:
Ֆիլմերը փառատոնին պետք է ներկայացնել մինչև մարտի 20-ը` DVD ֆորմատով:
