Հայաստանի հավաքականի և Դոնեցկի «Շախտյոր»-ի առաջատար կիսապաշտպան Հենրիկ Մխիթարյանն ակումբի պաշտոնական կայքի հետ զրույցում պատմել է արձակուրդում անցկացրած ժամանակի մասին և վստահեցրել, որ լավ տրամադրությամբ է մոտենում նախապատրաստական փուլին։
– Հենրիկ, ի՞նչ տպավորություններով ես վերադարձել արձակուրդից։
– Ամեն ինչ լավ է։ Սկզբում եղա Հայաստանում, ապա՝ նաև Իտալիայում։
– Իտալիայում որտե՞ղ եղար։
-Գնացի Հռոմում, ապա` Վենետիկ։ Այնտեղ էլ դիմավորեցի Ամանորը։ Վենետիկը շատ գեղեցիկ քաղաք է։ Այնտեղ նախկինում էլ էի եղել, բայց որոշեցի թարմացնել հիշողություններս։
– Այս տոներին ո՞րն է ստացածդ ամենահիշարժան նվերը։
– (Ժպտում է) Ես չեմ հավատում Ձմեռ պապին։ Նախընտրում եմ ինքս նվիրել: Բայց ամենալավ նվերը, որ ստացա` Ամանորն էր:
– Ի՞նչ տրամադրությամբ ես մոտենում հավաքներին։
– Հիանալի տրամադրությամբ։ Հավաքների ամենալավ շրջանն է։ Բոլորին կարոտել եմ։
– Ընդհանրապես, ի՞նչ հույսեր ես կապում մրցաշրջանի երկրորդ մասի հետ։
– Շատ եմ ցանկանում, որ Չեմպիոնների լիգայում մեզ հաջողվի որքան հնարավոր է՝ առաջ գնալ։ Չնայած առաջնությունում ունեցած շոշափելի առավելությանը, մենք պայքարելու ենք մինչև վերջ։ Հարկավոր է հաջող հանդես գալ նաև գավաթի խաղարկությունում։ Բոլոր այս 3 մրցաշարերը շատ կարևոր են։ Պետք է բոլոր մրցաշարերում էլ պայքարել բարձր արդյունքների համար։
