Տրոպիկական «Իրինա» փոթորիկը Մադագասկարում դարձել է նվազագույնը 65 մարդու մահվան պատճառ: Այս մասին հաղորդում է Agence France-Presse գործակալությունը:
Առավել զգալի վնաս է հասցվել կղզու արևելյան ափերին, որտեղ քամու արագությունը գերազանցել է ժամում 200 կմ-ը: Փոթորկի պատճառով իրենց տները ստիպված են եղել լքել ավելի քան 70 հազար մարդ:
«Իրինա» փոթորիկը ավերածություններ է գործել և մարդկային զոհերի հանգեցրել նաև Աֆրիկա մայրցամաքի արևելյան հատվածում: Այսպես, առնվազն մեկ մարդ է մահացել Մոզամբիկում, իսկ ՀԱՀ-ի Դուրբան քաղաքում երեք մետր բարձրության ալիքի պատճառով փակվել են բոլոր լողափերը, իսկ նավերին արգելվել է հանգրվանել նավամատույցում:
Մադագասկարում ցիկլոնների սեզոնը սովորաբար սկսվում է նոյեմբերին ու ավարտվում փետրվարին: «Իրինան» արդեն երկրորդ տարերային աղետն է ընթացիկ սեզոնի ընթացքում, որը դարձել է մարդկային զոհերի պատճառ:
2012 թ. փետրվարին «Ջովաննա» տրոպիկական ցիկլոնի պատճառով մահացել է 35 մարդ, հարյուրավորները ստացել էին վնասվածքներ:
