ИТАР-ТАСС-ի փոխանցմամբ՝ Սպիտակ տան մամլո քարտուղար Ջեյ Քարնին լրագրողների հետ զրույցում հայտարարել է, որ դեռ ժամանակ կա Իրանի միջուկային ծրագրի հարցը կարգավորելու համար.
«Ներկայումս մեր մոտեցումն այն է, որ շարունակենք ընթանալ խնդրի դիվանագիտական կարգավորման ճանապարհով՝ դրա հետ միաժամանակ կիրառելով շատ ագրեսիվ պատժամիջոցներ: Մենք շարունակում ենք ուժեղացնել Իրանի վրա գործադրվող ճնշումը: Թեհրանը դեռ չի հատել, այսպես կոչված, միջուկային սպառազինության արտադրման սահմանը:
Այնպես որ, դեռ ժամանակ կա, որպեսզի մենք շարունակենք այն քաղաքականությունը, որը վարում են Բարաք Օբամայի նախագահ դառնալուց ի վեր: Իրանի նկատմամբ ամեն տիպի ռազմական գործողություն կարող է ունենալ բացասական հետևանքներ՝ սպառնալիքի տակ դնելով ողջ տարածաշրջանի անվտանգությունը:
Դրա հետ մեկտեղ ԱՄՆ-ը շարունակելու է ռազմական և հետախուզական ոլորտներում Իսրայելի հետ համագործակցությունը»:
