Մոսկվայում բացվել է Apple համակարգիչների թանգարան, որտեղ ներկայացված են հազվագյուտ մոդելներ, ինչպես օրինակ՝ 1987 թվականի Apple II-ը, որը մինչ այժմ աշխատում է:
Daily Mail-ը գրում է, որ Apple Museum-ի գաղափարը պատկանում է Անդրեյ Անտոնովին: Նա Մոսկվայի բնակիչ է, ով ավելի քան 3 տասնամյակ Mac-ի տարբեր մոդելներ է հավաքել:
Անտոնովն ասում է, որ մասնավոր թանգարանը բացել է` հարգելու համար Apple-ի հիմնադիր Սթիվ Ջոբսի հիշատակը: Թանգարանում կարելի է տեսնել մի շարք տարօրինակ սարքեր, ինչպես նաև՝ Apple-ի գրաֆիկական պլանշետը և eMate 300-ը: