Էրիկ Էլդոնը զբաղեցրել է TechCrunch տեխնոբլոգի գլխավոր խմբագրի պաշտոնը` փոխարինելով Էրիկ Շոնֆելդին: Այս մասին հաղորդվել է նույն ռեսուրսում հրապարակված «Ցտեսություն Էրիկ, ողջույն Էրիկ» գրառման մեջ:
Էլդոնը նշել է, որ իր գալուստը ռեսուրս քննարկվել է դեռ 2011 թ. նոյեմբերին, սակայն գլխավոր խմբագրի պաշտոնն զբաղեցնելու հնարավորությունն անգամ չի քննարկվել:
Նոր գլխավոր խմբագիրը խոստանում է մի շարք փոփոխություններ ու փորձարկումներ TechCrunch-ի լավագույն ավանդույթների շրջանակում: Դրանք մասնավորապես կվերաբերեն ռեսուրսի դիզայնին, նյութի մատուցմանը, ռեսուրսի կազմակերպած միջոցառումներին ու այլ ոլորտների: Սակայն Էլդոնը խուսափել է կոնկրետ պլանների մասին խոսել` ընդգծելով, որ օգտատերերն իրենք կհամոզվեն դրանում:
Էրիկ Շոնֆելդը TechCrunch-ի գլխավոր խմբագիր էր դարձել 2011 թ. սեպտեմբերին` այդ պաշտոնում փոխարինելով Մայքլ Արինգտոնին` ռեսուրսի հիմնադրին: Արինգտոնը հեռացավ ռեսուրսից, որպեսզի զբաղվի իր CrunchFund վենչուրային հիմադրամով:
Էրիկ Էլդոնը, ինչպես նշված է CrunchBase բազայում, աշխատել է VentureBeat ռեսուրսում ու եղել է Inside Network ընկերության համահիմնադիրներից մեկը, մասնավորապես, նա ղեկավարել է այնպիսի ռեսուրս, ինչպիսին է Inside Facebook-ն է:
Պատճառները, որնց պատճառով TechCrunch-ը լքել է Էրիկ Շոնֆելդը, չեն նշվում:
TechCrunch-ը ՏՏ ոլորտի ամենահայտնի կայքերից է: