«Օսկար»–ի մրցանակաբաշխությանը, բացի մրցանակներից, նաև մեծ ուշադրություն է դարձվում, թե որ դերասանուհիներն են կրում երեկոյի լավագույն զգեստները:
Կիրակի օրը տեղի ունեցած մրցանակաբաշխության ժամանակ իր զգեստով փայլում էր Միլա Յովովիչը, ով ասել է, որ քանի որ ինքն առաջին անգամ է ներկա գտնվում մրցանակաբաշխությանը, ցանկացել է ամեն ինչ շատ ճիշտ անել: Ինչպես հաղորդում է E! Online-ը, դա դերասանուհու մոտ, անշուշտ, ստացվել է:
Միշել Ուիլյամսը թեև չարժանացավ «լավագույն դերասանուհի» մրցանակին, բայց հիանալի տեսք ուներ՝ Louis Vuitton-ի իր զգեստով:
Շքեղ տեսք ուներ նաև դերասանուհի Ջեսիկա Չեսթեինը՝ իր Alexander McQueen զգեստով:
Աչքի էր ընկնում Սթեյսի Քեիբլերը, ով եկել էր զուգընկերոջ՝ Ջորջ Քլունիի հետ:
Եվ վերջապես՝ Գվինեթ Փելթրոուն՝ Tom Ford զգեստով, որը չնայած իր տարօրինակությանը, իսկապես շատ գեղեցիկ էր և յուրահատուկ:
