Ինչպես գրում է BBC-ն, բրիտանացի դերասանուհի, հեռուստահաղորդավարուհի և երգչուհի Շարլոտ Չերչը դատի է տվել մեդիամագնատ Ռուպերտ Մերդոկի News International ընկերությանը՝ News of the World պարբերականի լրագրողներին մեղադրելով իր հեռախոսազրույցները լսելու մեջ:
Չերչը դարձել է հերթական հայտնի մարդը, ով մեղադրել է իր գործունեությունն արդեն դադարեցրած News of the World պարբերականին՝ հեռախոսազրույցներն անօրինական լսելու մեջ:
Նախորդ հայցը Բրիտանիայի նախկին վարչապետ Թոնի Բլեերի կինը` Շերի Բլեերն էր ներկայացրել:
Հայցերի հոսքը և բողոքները հանգեցրեցին նրան, որ խմբագրությունը փակվեց:
2011 թ. հունիսից News International ընկերությունը միլիոնավոր դոլարներ է ծախսել՝ News of the World պարբերականի լրագրողների անօրեն գործողություններից տուժածներին փոխհատուցելու համար:
