Անցած գիշեր Լոս Անջելեսում հայտարարվել են «Օսկար» մրցանակաբաշխության հաղթողների անունները: Սակայն, միկրոբլոգներից օգտվողներին, ինչպես երևում է, ավելի շատ հետաքրքրում էր ոչ թե այն, թե ովքեր կդառնան մրցանակակիրներ, այլ թե ինչ զգեստներով կներկայանան աստղերը:
«Twitter-ում շարունակ գրում են Անջելինա Ջոլիի զգեստի մասին, ավելի կոնկրետ, այն մասին, թե ինչ էր երևում նրա զգեստի տակից»,- տեղեկացնում է Hollywood Reporter-ը:
Որքան էլ զարմանալի է, սակայն «Օսկար» մրցանակաբաշխության ժամանակ ինտերնետ-հասարակության ուշադրության կենտրոնում ոչ թե «Արտիստը» ֆիլմն էր, որն արժանացել է միանգամից հինգ ոսկե արձանիկի, այլ մրցանակաբաշխությանը ներկա աստղերի արտաքին տեսքը:
Առավել մեծ ուշադրություն է հրավիրել Անջելինա Ջոլին՝ իր էլեգանտ սև զգեստով: Դերասանուհուն ուղեկցում էր ամուսինը՝ Բրեդ Փիթը, սակայն, ինչպես երևում է, լրագրողները նրան չեն էլ նկատել:
Twitter-ի ավելի քան 3400 օգտատերեր իրենց հիացմունքն են հայտնել Ջոլիի արտաքինի հանդեպ: Այս ամենը պայմանավորված է նրանով, որ դերասանուհու զգեստն ուներ լայն կտրվածք, որն ի ցույց էր դնում նրա ոտքն ամբողջությամբ:
Հաշված վայրկյանների ընթացքում դերասանուհու մերկ ոտքի լուսանկարները հայտնվել էին համացանցում:
Այս լուսանկարներն ամենից շատ տպավորել էին Twitter-ի այցելուներին: Դեռ մինչև մրցանակակիրներին հայտարարելը Ջոլիի մերկ ոտքը ուներ իր միկրոբլոգը, որն այս պահին կարդում է ավելի քան 9000 մարդ:
