Ինչպես փոխանցում է ԱՄՆ Պետքարտուղարության պաշտոնական կայքը, երեկ լրագրողների հետ հանդիպման ժամանակ պետքարտուղարի օգնական Ֆիլիպ Քրոուլին հայտարարել է, որ տեղեկություններ չունի Իրանում ձերբակալված ԱՄՆ քաղաքացու ձերբակալության վերաբերյալ: Այս փաստը ստուգելու համար Պետքարտուղարությունը կապվել է Հայաստանի իշխանությունների հետ, ինչպես նաև Շվեյցարիայի ներկայացուցիչների հետ, որոնց միջոցով են կարգավորվում ԱՄՆ-ի և Իրանի փոխհարաբերությունները, քանի որ երկու երկրները չունեն դիվանագիտական հարաբերություններ:
«Ո’չ Իրանը և ո’չ էլ Հայաստանը տեղեկություններ չունեն ԱՄՆ քաղաքացու ձերբակալության մասին, որը փորձել է հատել հայ-իրանական սահմանը, ինչպես ներկայացված էր լրատվամիջոցներում»,- ասել է Քրոուլին: