Պարենամթերքի արտահանման ծավալներում նախորդ տարի գերակշռել են հանքային ջրերի ծավալները: Այսպես, 2010 թ. 2-րդ եռամսյակում արտահանվել է 3.9 հազ. տոննա հանքային ջուր, ինչը 2.6 անգամ գերազանցում է 2009 թ. համապատասխան ժամանակաշրջանի ցուցանիշը: Պարենամթերքի արտահանման ծավալներում ավելացել են նաև գինու (2.4 անգամ), պանրի (63.5%-ով) և կոնյակի (26.9%-ով) արտահանման ծավալները: Փոխարենը նվազել է մրգի (61.9%-ով) արտահանման ծավալը։ Հարկ է նկատել, որ «Բջնի» հանքային ջրերի գործարան ՓԲԸ-ն շշալցված աղբյուրի ջրերի շուկայում գերիշխող դիրք ունեցող գործարաններից գլխավորն է, որը իր իրացման ծավալներով գրավում է շուկայի 44.8 տոկոսը. այն պատկանում է հայտնի գործարար, ԱԺ պատգամավոր, ՀՖՖ-ի նախագահ Ռուբեն Հայրապետյանին։ Հիշեցենք, որ «Բջնի»-ին նա տիրացավ Սուքիասյանների ընտանիքի դեմ քաղաքական հալածանքների արդյունքում։