Գերմանացի ռեժիսոր Տոմա Տիկվերի հայտնի «Վազի՛ր Լոլա, վազի՛ր» ֆիլմը կվերափոխվի օպերայի: Այս մասին հայտնում է The Local-ը:
Բեմականցումը տեղի կունենա 2013 թվականի փետրվարին Ռեգենսբուրգի թատրոնում:
Ներկայացման երաժշտությունը Լյուդգեր Ֆոլմերինն է, ով արդեն իսկ նմանօրինակ փորձ ունի: Տիկվերն առաջին անգամ է թույլատրել կինոժապավենի բեմականացումը:
«Վազի՛ր Լոլա, վազի՛ր» ֆիլմի գլխավոր հերոսուհին ունի ընդամենը 20 րոպե, որպեսզի հայթայթի 100 հազար գերմանական մարկ և փրկի իր սիրեցյալին: Ֆիլմում ցուցադրվում է գործողությունների ծավալման երեք հնարավոր տարբերակ: Գլխավոր դերերում հանդես են գալիս Ֆրանկա Պոտենտեն և Մորից Բլյայբտրոյը:
Ֆիլմը նկարահանվել է 1998 թվականին և դարձել է միջազգային կինոհիթ` ստանալով բազմաթիվ կինոփառատոնային մրցանակներ:
