Սիրիայի հյուսիս-արևմտյան մասում սպանվել է գլխավոր դատախազը և կրոնական հարցերով դատավորը:
Տեղական ԶԼՄ-ների հաղորդմամբ` հանցագործները կրակ են բացել մեքենայի ուղղությամբ, որի մեջ էին Իդլիբի շրջանի գլխավոր դատախազ Ինդալ Հազալը և դատավոր Մուհամմեդ Զիադեհը: Պատահարի հետևանքով վերջիններս մահացել են, մահացել է նաև վարորդը:
Ինչպես նշում է Associated Press գործակալությունը` Իդլիբի շրջանը գտնվում է ապստամբների վերահսկողության տակ: Թուրքիային սահմանակից հենց այս շրջանում էին կառավարական զորքերը ակտիվորեն «մաքրում» հակակառավարական ցուցարարներին:
Սիրիայում հակակառավարական ցույցերը սկսվել են 2011թ. մարտից` վերածվելով զինված բախումների կառավարական ուժերի և ցուցարարների միջև:
