Ուիթնի Հյուսթոնը մինչ մահանալը երեք անգամ այցելել է բժիշկներին, բայց այցելությունները ոչ մի անօրինական նպատակ չեն ունեցել: Նա բժիշկներին այցելել է կոկորդի ցավի և ատամների սպիտակեցման համար:
TMZ-ը հաղորդում է, որ բժիշկը, ում մոտ Հյուսթոնը գնացել է կոկորդի ցավի բուժման համար, նրան Amoxicillin է տվել:
Իսկ գովազդում նկարվելու համար երգչուհին նաև երկու անգամ գնացել է ատամնաբույժի մոտ` ատամների սպիտակեցման նպատակով:
Ոստիկանները հայտնել են, որ Հյուսթոնը բժիշկների մոտ չի գնացել, որպեսզի իրեն դեղամիջոցներ նշանակեն, և այդ բժիշկները նրան բուժելիս օրենքի սահմանը չեն անցել:
Ինչպես հաղորդվել էր, Բևերլի Հիլզի ոստիկանությունն Ուիթնիի հյուրանոցային համարում դեղամիջոցների 6 շիշ էր գտել` ներառյալ Xanax և Amoxicillin:
Ենթադրվում է, որ երգչուհին մահացել է դեղամիջոցներն ու ալկոհոլը միաժամանակ օգտագործելու պատճառով:
