«ՀԺ»-ն գրում է, որ ՀՀ զինվորական դատախազ Գևորգ Կոստանյանը դեռևս գտնվում է «Նաիրի» բժշկական կենտրոնի վերակենդանացման բաժանմունքում, թեև ավելի վաղ նշվում էր, որ նա կտեղափոխվի հիվանդասենյակ:
«Կենտրոնի փոխտնօրեն Սիրանուշ Մարտիրոսյանը մեր թղթակցի հետ զրույցում երեկ ևս վստահեցրել է, որ Կոստանյանը հիվանդասենյակ չի տեղափոխվում ընդամենը ավելի հանգիստ պայմաններում բուժում ստանալու համար:
Բուժկենտրոնի փոխտնօրենը նշել է, որ ՀՀ զինդատախազի առողջությունը նույն կայուն վիճակում է: Ըստ նախկինում հաղորդված տեղեկությունների` նրա մոտ ախտորոշվել էր հիպերտոնիկ կրիզ, սակայն ճնշումը արագ կարգավորվել Էր: Թղթակցի հարցին` այս ընթացքում զինդատախազի առողջական վիճակում առաջընթաց չի՞ նկատվել, Սիրանուշ Մարտիրոսյանը պատասխանել է, որ ետընթաց չլինելն արդեն իսկ առաջընթաց է»,- ապա թերթը հավելում է.
Նշենք, որ ՀՀ զինդատախազը «Նաիրի» բժշկական կենտրոն է տեղափոխվել փետրվարի 3-ին: Կոստանյանի դուրս գրվելու մասին դեռևս չի խոսվում»: