Բրաուզերների համար նախատեսված նոր հավելվածը Facebook սոցիալական ցանցի օգտատերերին զգուշացնում է, եթե ինչ-որ մեկը կայքում նրանց հեռացրել է իր ընկերների ցանկից: Այն նաև տեղեկացնում է օգտատերերին, երբ ինչ-որ մեկը չի ընդունում կամ արհամարհում է ընկերության առաջարկը:
Ըստ Daily Mail-ի՝ հավելվածը, որը կոչվում է Unfriend Finder, անվճար է և արդեն իսկ շատ հայտնի է աշխարհում: Այն ներբեռնվել է ավելի քան 44 միլիոն անգամ:
Ծրագիրն աշխատում է գրեթե բոլոր բրուզերների հետ: Այս լուրը, սակայն, կարող է սարսափեցել սոցիալական ցանցի շատ օգտատերերի, քանի որ ընկերությունն ինքը չի տեղեկացնում, երբ ինչ-որ մեկը որոշում է մյուսին հեռացնել սոցիալական ցանցի իր ընկերների շարքից:
