«ՀԺ»-ն գրում է, որ ՀՅ դաշնակցության բյուրոյի ներկայացուցիչ, պարսկահայ Հրանտ Մարգարյանը առաջիկա Աժ ընտրություններում ևս չի գլխավորի կուսակցության համամասնական ցուցակը, չնայած Աժ պատգամավորի թեկնածու առաջադրվելու որևէ խոչընդոտ չունի:
«Ի դեպ, Հրանտ Մարգարյանը մինչև օրս ոչ մի անգամ ՀՀ ընտրական գործընթացներին չի մասնակցել: Մեր աղբյուրները սա բացատրում են նրանով, որ ՀՅԴ-ն համարվում Է համաշխարհային կառույց, Հրանտ Մարգարյանը այդ կառույցի ղեկավարն է, և նրա առաջադրվելը առանձին վերցրած երկրի Աժ պատգամավորի թեկնածու՝ կնսեմացնի այդ կարգավիճակը:
Մեր աղբյուրները պնդում են նաև, որ ՀՅԴ համամասնական ցուցակը գլխավորելու հիմնական հավակնորդներ են համարվում Բյուրոյի անդամ Վահան Հովհաննիսյանը և Հայաստանի ԳՄ ղեկավար Արմեն Ռուստամյանը»,- հավելում է թերթը:
