Արաբական լիգայի բարձրաստիճան պաշտոնյայի հաղորդմամբ՝ արաբ արտգործնախարարները կհանդիպեն փետրվարի 5-ին՝ քննարկելու Սիրիայի հարցը: Որոշումն ընդունվել է այն բանից հետո, երբ արաբական որոշ երկրներ իրենց դիտորդներին հետ են կանչել Սիրիայից` այնտեղ նրանց առաքելության ձախողումից հետո:
Ինչպես հաղորդում է Reuters-ը, Լիգայի քարտուղարի տեղակալ, գեներալ Ահմեդ Բեն Հելին լրագրողներին հայտնել է, որ հանդիպմանը նախարարները քննարկելու են Սիրիայում վերջերս տեղի ունեցող զարգացումները, նաև` Պաղեստինի խնդիրը:
Հիշեցնենք, որ Լիգայի պաշտոնյան շաբաթ օրը հայտարարել էր, որ հանդիպման ժամանակ կքննարկվի այն հարցը, թե արդյոք արաբ դիտորդները պետք է մշտապե՞ս հեռացվեն երկրից, թե՞ ոչ: Հանդիպումը կկայանա փետրվարի հինգից հետո սկսվող շաբաթվա ընթացքում:
