«Բանակը չի կարող լինել այնպիսին, ինչպիսին մենք պատկերացնում ենք, ինչպես և մեր երկիրն այն չէ, ինչպիսին մենք պատկերացնում ենք»,- «Առաջին լրատվական»-ի հետ զրույցում ասաց բլոգեր Արմեն Հովհաննիսյանը: Ըստ նրա, մեր բանակը իդեալական չէ, այնտեղ կան սարսափելի թերություններ՝ հանցագործության մակարդակի:
Բլոգերը, սակայն, գտնում է, որ բանակը Հայաստանի երրորդ Հանրապետության ամենակայացած հաստատությունն է, որը ոչ միայն պաշտպանական կառույց է, այլ նաև սոցիալական ինստիտուտ, առանց որի անհնար է պատկերացնել մեր պետականությունը: «Ազատության մեջ մենք պետք է հաշվի առնենք այդ հաստատության կարևորությունը և չարտասանենք կամ չգրենք որևէ բառ, տառ, որը կարող է վնաս հասցնել մեր բանակի կայացմանը: Իսկ երբ կունենանք մեր պատկերացումներին շատ թե քիչ համապատասխանող երկիր, այդ ժամանակ էլ կունենանք համապատասխան բանակ»,- եզրափակեց Արմեն Հովհաննիսյանը:
