Ըստ «ժողովուրդ»-ի տեղեկությունների՝ բոլորովին վերջերս ԱԱԽ-ն ուսումնասիրություններ է անցկացրել դեղերի շուկայում և ուշագրավ բացահայտումներ արել, մասնավորապես, դեղերի անվան տակ հաճախ վաճառվում է սովորական կավիճ:
«Ավելին, այդ կապակցությամբ կազմված զեկույցը ներկայացվել Է Սերժ Սարգսյանին: ՀՀ ազգային անվտանգության խորհրդի քարտուղարի մամուլի խոսնակ Հարություն Ամիրյանը մասամբ հաստատեց մեր այս տեղեկությունները: Միայն թե, ըստ նրա, դիտարկման արդյունքները դեռ քննարկվում են:
«ԱԱԽ տարեկան ծրագրի համաձայն՝ ԱԱԽ աշխատակազմի կողմից ստեղծված հանձնաժողովի կողմից անցկացվել է ՀՀ առողջապահության նախարարության՝ դեղամիջոցներով ապահովման համակարգում դեղերի որակի ապահովման գործընթացի արդյունավետության դիտարկում: Դիտարկման արդյունքները ներկայումս քննարկման փուլում են և սահմանված կարգով զեկուցվում են հանրապետության նախագահին»,-«ժողովուրդ»-ին փոխանցել է նա:
«Տեսնենք՝ ով կպատժվի»,- գրում է թերթը:
