«Հյուսիսային Կովկասի նկատմամբ Վրաստանի իշխանությունների շահարկումները նյարդայնացնում են ՌԴ իշխանություներին, ինչը կարող է բերել նոր պատերազմի», – այս մասին հայտարարել է «Ժողովրդավարական շարժում՝ Միացյալ Վրաստան» ընդդիմադիր կուսակցության ղեկավար, Վրաստանի խորհրդարանի նախկին խոսնակ Նինո Բուրջանաձեն: Վրացական լրատվամիջոցների փոխանցմամբ, Բուրջանաձեն Թբիլիսիում մամուլի ասուլիս է հրավիրել, որտեղ, ի թիվս այլ հարցերի, անդրադարձել է Վրաստանի կողմից Հյուսիսային Կովկասի հանրապետությունների նկատմամբ վիզային ռեժիմը միակողմանի դադարեցնելու հարցին: «Վրաստանի իշխանությունների վտանգավոր խաղերը կարող են օգտագործվել ի շահ Ռուսաստանի` վերջինիս կողմից, եւ մեծ է վտանգը, որ մենք կներգրավվենք մի այնպիսի պրովակացիայի մեջ, որից երկիրը դուրս կգա ամբողջովին ավերված», – ասել է Բուրջանաձեն: Հաշվի առնելով «արդի սպառնալիքները»` Բուրջանաձեն կոչ է արել բնակչությանը ազատվելու Սահակաշվիլիի իշխանությունից, ինչը հնարավոր է միայն Ազգային շարժմամբ: Նախկին խոսնակի հավաստմամբ, Վրաստանում հնարավոր չէ իշխանափոխությունը իրականացնել ընտրությունների միջոցով:
