Associated Press-ը հաղորդում է, որ Կալիֆոռնիայի Riverside Community հիվանդանոցում վախճանվել է հանրահայտ երգչուհի, 73-ամյա Էտտա Ջեյմսը:
Մահվան պահին նրա կողքին են եղել ամուսինն ու որդիները:
Սա հսկայական կորուստ է աշխարհի տարբեր ծայրերում գտնվող նրա երկրպագուների համար:
Հիշեցնենք, որ 2011 թվականին երգչուհու մոտ հայտնաբերվել էր լեյկիմիա, հեպատիտ C և երիկամների հիվանդություն: Անցած տարի դեկտեմբեր ամսին նա տեղափոխվել էր հիվանդանոց, սակայն արդեն հունվարի սկզբին արևմտյան լրատվամիջոցները հայտնել էին, որ երգչուհու վիճակը բավարար է, և նա դուրս է գրվել հիվանդանոցից:
Ամբողջ կյանքում երգչուհին պայքարել է թմրանյութերից կախվածության դեմ:
