Վենեսուելայի նախագահ Ուգո Չավեսը երեքշաբթի օրը պաշտպանել է երկրի ռազմական նոր հրամանատարին` ասելով, որ մեղադրանքները, թե իբր հրամանատարը օգնել է թմրաբիզնեսով զբաղվողներին և Կոլումբիայի ապստամբներին, միայն իր դեմ ուղղված արշավի մասն են կազմում:
Associated Press-ը գրում է, որ Չավեսը խոսել է Կարակասի ռազմական բազայում հազարավոր զինվորների առաջ: Նա բանակին կոչ է արել պաշտպանել իրենց նախարարին ` գեներալ Էնրի Ռանգել Սիլվիային:
Ռանգելի երդման արարողության ժամանակ Չավեսն ասել է, որ քաղաքական ընդդիմադիրները ատում են զինված ուժերը:
Չավեսը նաև ասել է, որ իր ներքին և միջազգային հակառակորդները ցանկանում են նվազեցնել «հանրապետության անկախությունը, կայունությունը, զարգացումը և հզորությունը»:
Հիշեցնենք, որ ԱՄՆ-ն մեղադրել էր Ռանգելին թմրանյութերի մաքսանենգությամբ զբաղվողներին և Կոլումբիայի ձախ՝ հեղափոխական զինված ուժերին աջակցելու համար:
