Ռուսաստանի վարչապետ Վլադիմիր Պուտինը իր ծրագրային հոդվածում խոսել է Ռուսաստանի մարտահրավերների մասին, որոնք իրեն ստիպել են առաջադրվել երկրի նախագահական ընտրություններում:
Ինչպես հաղորդում է РБК-ն, Պուտինի խոսքերով, ինքը և իր համախոհների խումբը դուրս են բերել Ռուսաստանը քաղաքացիական պատերազմի փակուղուց, արմատախիլ են արել ահաբեկչությունը, վերականգնել են երկրի տարածքային ամբողջականությունը և սահմանադրական կարգը, զարկ տվել տնտեսությանը:
Վարչապետը նշել է, որ Ռուսաստանի վերականգնման փուլը հաղթահարված է, բոլոր պայմանները ստեղծված են առաջ շարժվելու համար, քանի որ 10 տարի առաջ երկիրը գտնվում էր անկման, հսկայական սոցիալական կորուստների փուլում:
Վարչապետի կարծիքով՝ վերջին տարիների ընթացքում Ռուսաստանի ժողովուրդը շատ բանի է հասել մի շարք առաջնային և անհետաձգելի հարցերում, երկիրը կանգուն է մնացել համաշխարհային ճգնաժամի առաջ: «Եվ այժմ մենք հնարավորություն ունենք խոսել հեռանկարների և ռազմավարությունների մասին»,- եզրափակել է վարչապետը:
