Կրասնոյարսկում սպանվել է Սիբիրի դաշնային համալսարանի ուսանող 17-ամյա Հովհաննես Սահակյանը: Ինչպես հաղորդում է Комсомольская правда թերթը, Սահակյանը վերջերս էր տեղափոխվել Կրասնոյարսկ և ընդունվել համալսարան: Նա առաջին կուրսի ուսանող էր և սամբոյի գծով սպորտի վարպետի թեկնածու:
Սպանությունը տեղի է ունեցել հունվարի 13-ին, երբ Սահակյանը հյուր էր խոշոր բիզնեսմեններից մեկի տանը: Երեկոյան նրան խնդրել են ներքև իջնել և տաքացնել տանտիրոջ Lexus մակնիշի ավտոմեքենան: Երբ Սահակյանը բացել է մեքենայի ետևի դուռը, հանցագործը կրակել է նախ նրա մեջքին, ապա գլխին: Մարդասպանին հաջողվել է թաքնվել:
Դեպքի առիթով հարուցվել է քրեական գործ ՌԴ ՔՕ 105 (սպանություն) 222 (զենքի անօրինական շրջանառություն) հոդվածներով: Ենթադրվում է, որ մարդասպանը Սահակյանին շփոթել է Lexus-ի տիրոջ հետ:
