Մանչեսթերում հանցագործների մի խումբ Blockbuster խանութից գողացել է բանկոմատ: Այս մասին հայտնում է Agence France-Press գործակալությունը: Հանցագործների ավարը կազմել է 6000 ֆունտ սթեռլինգ (9200 ԱՄՆ դոլար):
Ոստիկանության տեղեկատվությամբ՝ հանցագործներից 6 ամիս ժամանակ է պահանջվել 30 մ խորությամբ թունել փորելու համար, որում տեղադրել են լուսավորություն:
Ենթադրվում է, որ գողությունը տեղի է ունեցել հունվարի 2-3–ը:
The daily Maily-ը գրում է, որ գողությունը հաջողվել է միայն երկրորդ փորձից: Գողերը թունելը սկսել էին փորել դեռևս 2007 թ., սակայն մոնտաժային աշխատողները հայտնաբերել էին այն:
Մի քանի տարի անց հանցագործները վերադարձել և շարունակել են կիսատ թողնված «աշխատանքը»: Թե ինչպես է նրանց հաջողվել աննկատ մնալ, հայտնի չէ:
