ԱՄՆ նախագահական ընտրություններում հանրապետականների հավանական թեկնածու Միթ Ռոմնին ԱՄՆ նախագահի թեկնածուի նախնական ընտրություններում հաղթանակ է տարել Նյու Հեմփշիր նահանգում` ստանալով ընտրողների ձայների մոտ 40 տոկոսը:
Ինչպես հայտնում է RBK-ն, փորձագետները կարծում են, որ Միթ Ռոմնին ունի բոլոր շանսերը նախագահական ընտրություններում հանրապետական կուսակցությունը ներկայացնելու համար:
Նյու Հեմփշիրում, ելույթ ունենալով իր կողմակիրցների առջև, Ռոմինի հայտարարել է. «Այսօր մենք պատմություն ենք կերտել»: Քաղաքական գործիչը քննադատել է Բարաք Օբամային՝ կյանքի նկատմամբ «ոչ ամերիկյան», ինչպես նաև «հակաիսրայելական» դիրքորոշման համար:
«Նախագահի մոտ վերջացել են գաղափարները: Այժմ նաև վերջացել են արդարացումները»,- ասել է Ռոմնին: Հանրապետականը դիմել է Հարվային Կարոլինայի բնակիչներին, որտեղ նախնական ընտրությունները տեղի են ունենաելու հուվարի 21-ին` խնդրելով օգնել իրեն 2012 թվականը դարձնել ժամանակաշրջան, երբ Բ. Օբամայի «ժամանակը կավարտվի»:
Ռոմնին ուշադրություն է դարձրել այն փաստի վրա, որ ԱՄՆ նախագահը քննադատել է Իսրայելին, սակայն մտադրություն է հայտնել մշտապես աջակցել «ընկերներին», այսինքն` Իսրայելի կառավարությունը: Բացի այդ, քաղաքական գործիչը Բարաք Օբամայի հասցեին սարկազմով նաև ասել է, որ նա նախագահը է, որը «ամեն առավոտ արթնանում է, նայում Ամերիկային և հպարտորեն ասում. «Կարող էր ավելի վատ լինել»:
Հանրապետականը վստահ է, որ դա «ոչ ամերիկյան» քայլ է: «Լինելո՞ւ է վատ: Իհարկե ո’չ»: Ինչն է մեզ` ամերիկացիներիս, տարբերում մնացածներից` այն համոզմունքը, որ միայն լավ է լինելու: Եվ այդ ժամանակ իրականում լավ է լինելու»,-հայտարարել է Ռոմնին:
