ԱՄՆ նախագահ Բարաք Օբաման երկուշաբթի հայտարարել է, որ Սպիտակ տան վարչակազմի ղեկավար Բիլ Դեյլին հրաժարական է տալիս, իսկ այդ պաշտոնում նրան փոխարինելու է Սպիտակ տան բյուջետային վարչության ներկայիս տնօրեն Ջեյկոբ Լյուն:
«Ես Բիլին ժամանակ էի տվել, որպեսզի ամեն ինչ կշռադատեր, սակայն նա որոշում չկայացրեց,-մեջբերում է CNN-ը ԱՄՆ նախագահին։- Ես հաճախ կդիմեմ նրան խորհրդի համար»:
Դեյլին, նախքան Սպիտակ տան վարչակազմի ղեկավար լինելը, JP Morgan բանկի գլխավոր մենեջերն էր: Նա աշխատել է նաև Բիլ Քլինթոնի կաբինետում: Դիտորդները նրա նշանակումը գնահատում էին Օբամայի` ամերիկյան բիզնես-հասարակության հետ հարաբերություննները բարելավելու հնարավորություն:
Քննադատների կարծիքով՝ Բարաք Օբամայի այդ քայլը նախագահական ընտրություններից առաջ ամրապնդվում է` հաշվի առնելով, որ նրա ընտրական բազա են համարվում ամերիկյան խոշորագույն արհմիությունները:
