Ընդհանրապես, հեռուստացույցի հետ խոսելը հոգեկան անկայունության, միայնության և նյարդայնացած լինելու նշան է, բայց Associated press-ը հաղորդում է, որ հեռուստացույց արտադրող ընկերությունները որոշել են այդ վարքագիծը դարձնել առավել ռացիոնալ` ստեղծելով այնպիսի հեռուստացույցներ, որոնք պատասխանում են ձայնային հրամաններին:
LG Electronics-ը երկուշաբթի օրը հայտնել է, որ իր հեռուստացույցների հետ կվաճառի նաև հատուկ հեռակառավարման վահանակներ, որոնց մեջ կա բարձրախոս: Մարդիկ հնարավորություն կունենան բարձրախոսի միջոցով հաղորդագորություն մտցնել հեռուստացույցի մեջ` համացանցանցում ինչ-որ բան փնտրելու կամ Twitter սոցիալական կայքում նոր հաղորդագրություն գրելու համար: Սակայն դեռևս հնարավոր չի լինի հեռուստացույցի վրա բղավելով փոխել ալիքները կամ կարգավորել հեռուստացույցի ձայնը:
Samsung Electronics-ը նույնպես ասել է, որ կունենա նոր հեռւստացույցներ, որոնք կարձագանքեն ձայնային հրամաններին: Ընկերությունը նաև կներկայացնի իր նոր հեռուստացույցը, որի ներսում կա տեսախցիկ: Այն ժամանակ, երբ դուք հաղորդում դիտելիս կլինեք ES8000 հեռուստացույցով, հեռուստացույցը միևնույն ժամանակ կհետևի ձեզ` փորձելով ձեռքերի շարժումներից կռահել, թե արդյոք ինչ նոր ծրագրեր է հարկավոր գործի դնել:
