Իսպանական մամուլում անընդհատ շրջանառվում են Մարիո Գյոտցեի` Մադրիդի «Ռեալ» տեղափոխության մասին լուրերը: Մի քանի օր առաջ Դորտմունդի «Բորուսսիա»-ն ձեռք բերեց Մարկո Ռոյսի տրանսֆերը` վճարելով 17.5 մլն եվրո, և Գերմանիայում վստահ են, որ Ռոյսը պետք է փոխարինի Գյոտցեին, ով մոտ ժամանակներս կլքի Բունդես Լիգայի գործող չեմպիոնի կազմը:
21-ամյա կիսապաշտպանի տրանսֆերի ձեռքբերման համար «Բորուսսիա»-ն ստիպված է վաճառել իր աստղերից մեկին` կա´մ Բարրիոսին, կա´մ Գյոտցեին, քանի որ թիմը չկարողացավ հայտնվել Չեմպիոնների Լիգայի խաղարկության փլեյ-օֆֆ փուլում և ունեցավ չնչին եկամուտ:
Գերմանաիայի հավաքականի ֆուտբոլիստի պայմանագրի ժամկետն իր ակումբի հետ լրանում է 2014 թականին: Գերմանական մամուլը նաև նշում է, որ Գյոտցեի տրանսֆերի ձեռքբերման հիմնական թեկնածուն Մադրիդի «Ռեալ»-ն է, և ֆուտբոլիստը, ով իր ձմեռային արձակուրդն անցկացրեց Մադրիդում և իր ընկերներ Սամի Խեդիրայի, Մեսութ Օզիլի և Նուրի Շահինի հետ դիմավորեց Ամանորը, այդ ժամանակահատվածում բանակցություններ է վարել «արքայական» ակումբի ղեկավարության հետ:
«Բորուսսիա»-ն Եվրոպայի 2011 թվականի լավագույն երիտասարդ ֆուտբոլիստի տրանսֆերի դիմաց պահանջում է 30 մլն եվրո, իսկ «Ռեալ»-ը ցանկանում է նվազեցնել այդ գումարը:
