Չնայած ամբողջ աշխարհում տիրող տնտեսական ծանր վիճակին, երիտասարդները կարծում են, որ իրենք ֆինանսապես ավելի լավ վիճակում են գտնվում, քան իրենց ծնողները:
Ըստ Mail Online-ի՝ Gallup-ի նոր հարցումները ցույց են տալիս, որ ամերիկացի երիտասարդները կարծում են, թե իրենք ավելի լավ են ապրում ֆինանսական առումով, քան իրենց ծնողները՝ նույն տարիքում:
Չնայած հարցման արդյունքները տպավորիչ են, այս տարվա արդյունքներն, անցած անգամ արված հարցման հետ համեմատած, մի փոքր բացասական վերաբերմունք են ցույց տալիս երիտասարդության ֆինանսական վիճակի նկատմամբ:
Այս տարի հարցման մասնակիցների 69 տոկոսը հայտնել է, որ իրենք ֆինանսապես ավելի լավ վիճակում են գտնվում, քան իրենց ծնողները նույն հասակում, իսկ 1998 թվականին նման պատասխան տվել էր հարցվողների 74 տոկոսը:
