Համացանցում տարածվել են «Արգո» (Argo) ֆիլմի առաջին կադրերը, որը Բեն Աֆլեքի ռեժիսորական երրորդ աշխատանքն է: Այս մասին հաղորդում է slashfilm.com կայքը:
Բեն Աֆլեքի նոր ֆիլմը հիմնված է իրական դեպքերի վրա: Ֆիլմում պատմվում է, թե ինչպես ԿՀՎ-ի գործակալների մի խումբ Թեհրանում բեմադրում է ֆիլմի նկարահանումներ` գերիների փրկելու համար: Դերակատարներից մեկը Բեն Աֆլեքն է: Ֆիլմում նկարահանվել են նաև Բրայան Քրենսթոնը, Ջոն Գուդմանը, Քայլ Չանդլերը, Ալան Արքինը և Քլեա Դյուվալը: Ֆիլմը վարձույթի է հանվելու 2012 թվականի սեպտեմբերին:
Նրա առաջին ռեժիսորական աշխատանքը` «Ցտեսություն, փոքրիկս, ցտեսություն» (Gone Baby, Gone), նկարահանվել է 2007 թվականին և հավանության արժանացել քննադատների և հանդիսատեսի կողմից: Աֆլեքի հաջորդ ռեժիսորական աշխատանքը` «Քաղաքը» (The Town), նույնպես դրական արձագանքներ է ստացել:
