Մադրիդի «Ռեալ»-ի գլխավոր մարզիչ Ժոզե Մոուրինյոն հայտարարեց, որ մոտակա մի քանի տարիներին պատրաստվում է գլխավորել Անգլիայի Պրեմիեր Լիգայի թիմերից որևէ մեկը.
««Ռեալ»-ը ֆուտբոլի պատմության մեջ ամենաուժեղ ակումբն է, սակայն անգլիական ֆուտբոլն իմ տարերքն է: Հաջորդ քայլս կլինի վերադարձը Պրեմիեր Լիգա»,- նշել է պորտուգալացին:
Մոուրինյոյի խոսքերով, Անգլիա վերադառնալու դեպքում ինքն այնտեղ կմնա երկար ժամանակ.
«Մի քանի տարի հետո կգլխավորեմ անգլիական ակումբ և Պրեմիեր Լիգայում կմնամ երկար ժամանակ»:
Հիշեցնենք, որ մասնագետը 2004-2007 թթ. գլխավորել է Լոնդոնի «Չելսի»-ն: Երեք տարվա ընթացքում նա «արիստոկրատներ»-ի հետ երկու անգամ հռչակվել է Անգլիայի չեմպիոն, ինչպես նաև նվաճել է Անգլիայի Գավաթն ու Սուպերգավաթը:
