Չինաստանը հաջողությամբ փորձարկել է ժամում 500 կիլոմետր արագություն զարգացնող նոր գնացք:
Ինչպես հայտնում է РИА Новости-ն, հղում կատարելով չինական ԶԼՄ-ներին, նոր արագընթաց մոդելի փորձարկումը կատարվել է դեկտեմբերի 25-ին՝ Ցինդաո քաղաքում:
Ներկայումս Չինաստանում արագընթաց գնացքների ցանկում կիրառվում են CRH 380 մոդելի գնացքներ, որոնք ընթանում են 250-300 կմ/ժ արագությամբ: Սպասվում է, որ նոր գնացքը չի երթևեկի 500կմ/ժ արագությամբ և կսահմանափակվի 350-380 կմ/ժ-ով:
Գնացքն արտադրող ընկերությունում հավաստիացնում են, որ գնացքի ստեղծման գլխավոր պայմանը անվտանգությունն է:
2011 թվականի օգոստոսին Չինաստանի պետական խորհուրդը հրամայել էր իջեցնել բոլոր արագընթաց գնացքների արագությունը 40-50 կմ/ժ-ով: Այդ որոշումը կապված էր Չինաստանում արագընթաց գնացքի առաջին վթարի հետ, որը տեղի ունեցավ 2011թ. հուլիսի 23-ին: Վթարի հետևանով մահացավ 40, վիրավորվեց 190 մարդ:
Հիշեցնենք, որ անցած տարվա հունվարին չինական արագընթաց գնացքը սահմանել էր համաշխարհային ռեկորդ` ժամում զարգացնելով 487,3 կիլոմետր արագություն: