«ԱրմենՏել» ընկերությունը (ապրանքանիշը Beeline) պարգևատրել է «Ամանորյա իրարանցում» ակցիայի առաջին փուլի հաղթողներին:
Պարգևատրման հանդիսավոր արարողությանը, որը տեղի ունեցավ «ԱրմենՏել» ընկերության Հյուսիսային պողոտայում գտնվող Beeline վաճառքի և սպասարկման գրասենյակում, հրավիրվել էին «Ամանորյա իրարանցում» ակցիայի առաջին հաղթողները: Ընդհանուր առմամբ, ակցիայի առաջին փուլին մասնակցել են 4135 մարդ, իսկ 22 հաղթողները որոշվել են հատուկ ստեղծված համակարգչային ծրագրի օգնությամբ:
«ԱրմենՏել» ընկերությունը որպես կապի միասնական օպերատոր ոչ միայն իր բաժանորդներին տրամադրում է կապի ոլորտի տարատեսակ ծառայություններ այլ նաև փորձում է շփումը դարձնել հնարավորինս վառ: Թող որ այս մրցանակները` նեթբուկերը և սմարթֆոնները հնարավորություն ընձեռեն շահողներին զգալու շփման ուրախությունը: Ցանկանում եմ, որ Նոր տարվա ընթացքում մեր հաճախորդները կիսվեն միայն հաճելի և հիշվող պահերով իրենց հարազատների, մտերիմների և բարեկամների հետ», – նշել է «ԱրմենՏել» ընկերության Գլխավոր տնօրեն Իգոր Կլիմկոն:
Նշենք, որ «Ամանորյա իրարանցում» ակցիան մեկնարկել է դեկտեմբերի 16-ին և կշարունակվի մինչև 2012 թ-ի հունվարի 12-ը: Ակցիայի շրջանակում գրանցված և հաշվեկշիռը առնվազն 1000 դրամով լիցքավորած բաժանորդները հնարավորություն են ստանում շահելու Dell Latitude 2110 երկու նեթբուքերից մեկը, կամ Beeline Blade և Beeline U8500 քսան սմարթֆոններից մեկը: Ակցիային անվճար գրանցվելու համար անհրաժեշտ է բջջային հեռախոսից հավաքել *222# USSD-հրամանը, իսկ լիցքավորել հաշվեկշիռը կարելի է ցանկացած եղանակով, բացառությամբ «Բալանսի փոխանցում» ծառայությունից:
