«ԺԿ նախագահ Տիգրան Կարապետյանը խորհրդարանական առաջիկա ընտրություններին մեծամասնական ընտրակարգով Աժ պատգամավորի թեկնածու չի առաջադրվի, բայց կուսակցությունը համամասնական ընտրակարգով կմասնակցի ընտրություններին»,- գրում է «ՀԺ»-ն և հավելում.
«Այս մասին մեր թղթակցի հետ զրույցում ասել է ինքը՝ Կարապետյանը: Հարցին, թե ինչու չի ցանկանում առաջադրվել մեծամասնական ընտրակարգով, նա ասել է. «Որովհետև չեմ ուզում ուղղակի դեպուտատ դառնամ: Ես ուզում եմ, որ ֆրակցիա լինի»:
Կարապետյանը նշել է նաև, որ կցանկանար ապագա Աժ-ում իր կուսակցությունը ունենար այնքան տեղ, «ինչքան որ ժողովուրդը ձայն տա կամ ինչքան որ հաջողվի»: Իր կարծիքով՝ ինչքան ձայն կտան. «Ես գուշակությամբ չեմ զբաղվում: Կարևորը՝ ժողովուրդն այլընտրանք ունենա»:
