Ամանորյա յոթ մաղթանք` Սերժ Սարգսյանին

Հայ ազգային կոնգրեսի համակարգող Լևոն Զուրաբյանը Ամանորի նախաշեմին Սերժ Սարգսյանին մաղթանքներ հղեց: Քանի որ Սերժ Սարգսյանն է բազմաթիվ մականունավորների ներմուծել ՀՀԿ, Լ. Զուրաբյանը խորհուրդ տվեց կուսակցությունից հանել բոլոր մականունավորներին, բացել «օբշչակ» և նրանց գործերը հանձնել հասարակական վերահսկողության: ՀԱԿ համակարգողի երկրորդ մաղթանքը վերաբերում էր նրան, որ ՀՀ իշխանությունները դադարեցնեն կապկել ՌԴ իշխանություններին և քաղաքական միտքը դնել ավելի ամուր, անկախական հիմքերի վրա, ինչպես վարվում էր ՀՀԿ առաջնորդ Աշոտ Նավասարդյանը: Դ. Մեդվեդևի խոսքերի կրկնությունը, ըստ Լևոն Զուրաբյանի, այնքան էլ սազական չէ նժդեհյան ոգուն: Երրորդ մաղթանքն այն է, որ համատեղ ստեղծվի հայ-եվրոպական պատմաբանների հանձնաժողով, որը կզբաղվի նժդեհյան գաղափարները եվրոպական արժեքներին համապատասխանեցնելու ազգանվեր գործով: ՀԱԿ համակարգողն առաջարկում է պատժել ընդհանրապես ծեծելու և «Քրեական օրենսգրքով» նախատեսված այլ հանցագործությունների համար նույնպես: Վեցերորդ առաջարկը վերաբերում է ՀՀ գլխավոր կոռուպցիոներ Սերժ Սարգսյանին ազատելուն: Յոթերորդ մաղթանքով Լևոն Զուրաբյանը բոլոր ուղղություններով Սերժ Սարգսյանին ցանկանում է բեղմնավոր աշխատանք: