Աշխարհի ամենահարուստ մարդկանցից մեկը՝ Microsoft ընկերության հիմնադիր Բիլ Գեյթսը, պատրաստվում է մինչև կյանքի վերջը զբաղվել բարեգործությամբ: Այս մասին նա հայտնել է Techcrunch պարբերականին տված հարցազրույցում: Ի պատասխան լրագրողի հարցին` պատրաստվո՞ւմ է արդյոք վերադառնալ Microsoft, Գեյթսը պատասխանել է. «Ոչ, բացառվում է»:
Նա հայտնել է, որ մինչև կյանքի վերջը կնոջ՝ Մելինդայի հետ կզբաղվի բարեգործությամբ:
«Ես, իհարկե, կապ եմ պահպանում ընկերության աշխատակիցների հետ՝ նրանց մի քանի խորհուրդներ տալու համար, սակայն իմ որոշումը չի փոխվի. տնօրենի պաշտոնի աշխատանքը վատնում է ամբողջ էներգիաս, իսկ ես դրան պատրաստ չեմ»,- ասել է նա:
Վերջերս Microsoft-ն անցկացրեց բաժնետերերի իր հերթական ժողովը: Սթիվ Բալմերը շարունակում է գլխավորել Microsoft-ի գլխավոր գործադիր տնօրենի, իսկ Բիլ Գեյթսը` ընկերության տնօրենների խորհրդի նախագահի պաշտոնը:
