Սերժ Սարգսյանի կարգադրությամբ, ֆիզիկական կուլտուրայի և սպորտի բնագավառում հանրապետության նախագահի մի շարք մրցանակներ են շնորհվել` հաշվի առնելով 2010 թ. հանրապետական ստուգատեսների արդյունքները:
Ըստ այդմ` 2010 թ. «Լավագույն քաղաքային մարզական համայնք» մրցանակը շնորհվել է.
1-ին տեղ` Կոտայքի մարզի Չարենցավան քաղաքային համայնքին,
2-րդ տեղ` Սյունիքի մարզի Քաջարան քաղաքային համայնքին,
3-րդ տեղ` Արագածոտնի մարզի Ապարան քաղաքային համայնքին։
2010 թ. «Լավագույն գյուղական մարզական համայնք» մրցանակը շնորհվել է.
1-ին տեղ` Արմավիրի մարզի Փարաքար գյուղական համայնքին,
2-րդ տեղ` Տավուշի մարզի Աչաջուր գյուղական համայնքին,
3-րդ տեղ` Վայոց ձորի մարզի Արենի գյուղական համայնքին։
2010 թ. «Լավագույն մարզական բակ» մրցանակը շնորհվել է.
1-ին տեղ` Երևան քաղաքի Շենգավիթ վարչական շրջանի Շիրակի փողոցի 2-րդ և 4-րդ շենքերի բակին,
2-րդ տեղ` Լոռու մարզի Ախթալա քաղաքի Սարահարթ թաղամասի բակին,
3-րդ տեղ` Երևան քաղաքի Ավան վարչական շրջանի Իսահակյան թաղամասի 1/1-ին և 1/2-րդ շենքերի բակին: