Դեկտեմբերի 1-ին աշխարհի շատ երկրներում նշում են ՄԻԱՎ-վարակի և ՁԻԱՀ-ի դեմ պայքարի օրը:
Առաջին անգամ ՁԻԱՀ-ը գրանցվել է Հիվանդությունների նկատմամբ վերահսկողության ամերիկյան կենտրոնի կողմից 1981 թվականին հունիսի 5-ին:
1988 թվականի դեկտեմբերի 1-ից ՁԻԱՀ-ի դեմ պայքարի համաշխարհային օրը դարձել է աշխարհի շատ երկրներում նշվող օր: Դրանից հետո սկսեցին կազմակերպել այս օրվան նվիրված բազմաթիվ միջոցառումներ, որոնք ուղղված են այդ հիվանդության դեմ պայքարին:
Բժշկության և ֆիզիլոգիայի բնագավառում Նոբելյան դափնեկիր Ֆրանսուա Բարրե-Սինուսին, որը 1983 թվականին մեծ դեր է ունեցել ՁԻԱՀ-ի վիրուսի բացահայտման գործում, հայտարարել է, որ զայրացած է և շատ է տխրել, որ ՄԻԱՎ-ի դեմ պայքարի համար տրամադրվող միջազգային ֆինասավորումը կրճատվել է:
BBC-ին տված հարցազրույցի ժամաանկ Բարրե-Սինուսսին անընդունելի է համարել, որ որոշ երկրների կառավարություններ չեն կատարում նախկինում իրենց տված խոստումները:
Զեկույցում, որը պատրաստվել էր առողջապահության համաշխարհային կազմակերպության կողմից, ասվում է, որ հետամնաց երկրներում ՁԻԱՀ-ի դեմ պայքարի ֆինանսավորման ծրագրերում անցած տարի առաջին անգամ նկատվել է ֆինանսավորման կրճատում:
Միևնույն ժամանակ նոյեմբերին հրապարակված UNAIDS զեկույցում ասվում է, որ հիվանդության վարակն ու մահացությունը կրճատվել են ամբողջ աշխարհում՝ բացառությամբ Ռուսաստանի, Ուկրաինայի և մի քանի աֆրիկյան երկրների: UNAIDS մասնագետները կարծում են, որ 2015 թվականին կլինի այս հիվանդությամբ զրո վարակված և զրո մահացություն:
