Միջազգային Fitch գործակալությունը երկուշաբթի հայտարարել է ԱՄՆ վարկային վարկանիշի կանխատեսման նվազեցման մասին մինչև «բացասական», սակայն ԱՄՆ վարկանիշը թողել է ААА մակարդակի վրա:
Ինչպես հայտնում է France-Presse գործակալությունը, Fitch-ը հայտարարել է, որ չնայած ԱՄՆ տնտեսությունը մնում է բավական ուժեղ, սակայն գոյություն ունի «զգալի անվստահություն» հետագա զարգացումների նկատմամբ: Վարկանիշի «բացասական» կանխատեսումը նշանակում է 50 տոկոս հավանականություն, որ երկու տարվա ընթացում նաև իջեցվելու է ԱՄՆ վարկանիշը:
Fitch-ի վերլուծաբանները նշել են, որ վարկանիշի կանխատեսման իջեցումը պայմանավորված է անցած շաբաթ ԱՄՆ Կոնգրեսի սուպերկոմիտեի համանախագահների բանակցությունների տապալումով, որոնք պետք է փոխզիջումների գնային պետական պարտքը 1.2 տրիլիոն կրճատելու հարցի շուրջ:
ԱՄՆ վարկանիշի իջեցման մասին լուրը արդեն նոյեմբերի 28-ին հայտնի էր Հյուսիսային Ամերիկայի բորսաներում:
2011 թվականի սկզբին Standart & Poor’s գործակալությունը առաջին անգամ իջեցրեց ԱՄՆ վարկանիշը AAA-ից AA+ի` դա բացատրելով երկրի բյուջետային դեֆիցիտի համար մտահոգությամբ:
