30.09.2010 թ. դրությամբ, ՀՀ տարածքում գործում են 32 վարկային կազմակերպություն` 60 մասնաճյուղերով: Այս մասին ասվում է այսօր ԿԲ կողմից հրապարակված՝ 2010 թ. երրորդ եռամսյակի բանբերում: Այդ վարկային կազմակերպությունների առաջին երեք եռամսյակների կուտակված զուտ շահույթը կազմել է 2.6 մլրդ դրամ: Տարեսկզբից շահույթով է աշխատել 24 վարկային կազմակերպություն, իսկ վնասով` 8 վարկային կազմակերպություն: Նշենք նաև, որ 30.09.2010 թ. դրությամբ, Հայաստանում գործում են 11 ապահովագրական ընկերություններ, որոնցից այս տարվա 9 ամիսներին շահույթով են աշխատել 5 ապահովագրական ընկերություն, ևս 5-ը վնասով են աշխատել: Շահույթով աշխատած ընկերությունների շահույթը կազմում է 308.3 մլն դրամ, իսկ վնասով աշխատածների վնասը` 460.2 մլն դրամ: