Ամերիկացի գիտնականները եկել են այն եզրակացության, որ դռան բացվածքից անցնելը վատացնում է կարճաժամկետ հիշողությունը:
Ինչպես հայտնում է CBS News-ը, Ինդիանայի Նոտր-Դամ համալսարանի գիտնականները որոշել են հետազոտել համընդհանուր ֆենոմենը, թե ինչու երբ մարդը մտնում է տարածություն որոշակի նպատակով, այնուհետև չի կարող հիշել` ինչու է մտել այդ սենյակ:
Այդ նպատակով նրանք անցկացրել են մի քանի փորձարկումներ վիտուալ և իրական միջավայրերում:
Առաջին փորձարկման ժամանակ վիրտուալ իրականության մեջ կամավոր ուսանողներին առաջարկել են փաթեթավորել իրերը արկղի մեջ, դրանք տեղափոխել այլ սենյակ կամ էլ սենյակում դրանց տեղը փոխել: Այնուհետև փորձը կատարել են իրական կյանքում: Երրորդ փորձարկման ժամանակ փաթեթավորված օբյեկտները տեղափոխվել են մի քանի սենյակներով, արդյունքում հայտնվել են այն սենյակում, որտեղից սկսել էին «ճանապարհորդությունը»:
Պարզվել է, որ բոլոր դեպքերում փորձի մասնակցիների համար շատ դժվար է եղել հիշել, թե որտեղ է գտնվում արկղը, եթե նրանք անցնում էին բազմաթիվ սենյակներով: Երրորդ փորձարկումը հաստատել է, որ հիշողության վրա ազդում է դռների բացվածքով անցնելը, այլ ոչ թե միջավայրի փոփոխությունը, որտեղ տեղի էր ունենում փաթեթավորումը:
«Դռնից մտելը կամ դուրս գալը իրադարձությունների միջև սահման է, որը սահմանափակում է գործունեության դրվագները և «այն հանձնում է արխիվ»: Հիշել որևէ գործողություն կամ որոշում, որը տեղի է ունեցել մեկ այլ սենյակում, դժվար է, քանի որ նրանք պատկանում են այլ չափանիշի մտածողության»,- պարզաբանել է հետազոտության ղեկավար Գաբրիել Ռադվանսկին։
