Լոնդոնը ճանաչվել է աշխարհի լավագույն մայրաքաղաքը՝ ինչպես շքեղ դասի գնումներ կատարելու, այնպես էլ լայն կիրառման ապրանքներ ձեռք բերելու առումով:
Ինչպես հայտնում է ИТАР-ТАСС գործակալությունը, հետազոտությունն անցկացրել է Economist Intelligence Unit կազմակերպությունը: Բրիտանիայի մայրաքաղաքին հաջորդում է Բարսելոնան, Մադրիդը, Փարիզը և Հռոմը: Վարկանիշային աղյուսակը կազմվել է՝ հաշվի առնելով 38 չափանիշներ: Դրանց մեջ են մտնում խանութների և առևտրային կետրնոնների թիվը, հարմար դիրքը, նրանց թեմատիկ բազմազանությունը, այդ ապրանքներում հայտնի ապրանքանիշների թիվը և գինը: Հաշվի է առնվել է նաև քաղաք այցելող զբոսաշրջիկների թիվը:
Հետազոտության ժամանակ ուշադրություն են դարձրել սպասրակման որակին, մասնավորապես՝ ինչքանով են վաճառողները տիրապետում օտար լեզուների: Հաշվի է առնվել նաև ուղեկցող սպասարկումը` հարմարավետ հյուրանոցների առկայությունը, տրանսպորտային համակարգը, ռեստորանների որակը, հանգիստը, նույնիսկ եղանակը:
Ցուցակում Փարիզը՝ որպես զբոսաշրջության մեգապոլիս, պահպանել է իր առաջատար դիրքը, մինչդեռ առևտրի վարկանիշով նա ընդամենը չորրորդ տեղում է:
