Չինաստանն իր անհանգստությունն է արտահայտել՝ կապված ԱՄՆ նախագծերի հետ, որոնք ուղղված են մեծացնելու ամերիկացի զինվորականների թիվը Ավստրալիայի հյուսիսում:
Ինչպես հայտնում է BBC-ն, Չինաստանի արտաքին գործերի նախարարության ներկայացուցիչ Լյու Վեմինն ասել է, որ ռազմական հզորության աճը կարող է լավագույն որոշումը չլինել տարածաշրջանի երկրների համար:
Ավելի վաղ Քանբերում ժամանած ԱՄՆ նախագահ Բարաք Օբաման հայտնել է, որ տարածաշրջանում Չինաստանի մեծացող ազդցության հետ կապված՝ հաջորդ տարվանից ավստրալական Դարվին քաղաքի մոտակայքում գտնվող հենակետ կուղարկվեն ևս 250 ամերիկացի ծովային հետևակներ: Ավստրալիայի վարչապետ Ջուլիա Գիլարդը ավելացրել է, որ, ընդհանուր առմամբ, ռազմական հենակետում գտնվելու են 2500 ամերիկացի զինվորականներ:
